سن منی مجبور ائلمه

 

Sən məni məcbur eləmə

 

Sən məni məcbur eləmə ta ki təmənnayə gəlim

 

Məcnuna tay mən sürünüb xidməte leylayə gəlim

 

Düz di ki sən çox məni incitmisən amma bunu bül

 

Mən ki qəbul eyləmərəm eşqidə dəvayə gəlim

 

Mən yaniram ayriliqin olduğu düzəx oduna

 

Bir nə olar sən qöyasan cənnəte əlayə gəlim

 

Allahi şahid tuturam mən səni çox istəmişəm

 

Qöy ki gözəl gül üzüvi bir də təmaşayə gəlim

 

Gözlərivə dərya dedim ta ki mucəvviz verəsən

 

Mahiya tay mən də üzüm bir də o dəryayə gəlim

 

Allaha xatir məni oz vəslivə çatdir gözəlim

 

Ta təzədən mən döğulub bir də bu dunyayə gəlim

 

Şair : Vəhid Şokrzadə

 

 

فارسی الفباسیندا   

                                             

سن منی مجبور ائلمه

 

سن منی مجبور ائلمه تا کی تمنایه گلیم    

         مجنونا تای من سورونوب خدمت لیلایه گلیم 

دوزدو کی سن چوخ منی اینجیتمیسن اما بونو بول

         من کی قبول ایلمرم عشقیده دعوایه گلیم 

من یانیرام آیریلیقین اولدوغی دوزخ اودونا  

         بیر نه اولار سن قویاسان جنت اعلایه گلیم 

آلّاهی شاهید توتورام من سنی چوخ ایستمیشم  

        قوی کی گوزل گول اوزووی بیرده تماشایه گلیم 

گوزلریوه دریا ددیم تا کی مجوّیز وئرسن  

      ماهییا تای من ده اوزوم بیرده او دریایه گلیم 

آلّاها خاطیر منی اوز وصلیوه چاتدیر گوزلیم  

           تا تزه دن من دوغولوب بیرده بو دونیایه گلیم

 

شاعیر: وحید شکرزاده