آی گؤزی شور

 

 

Ay gözi şor

 

Ay gözəlim ğunçə dəhan gözləri ox qaşi kaman

 

Vardi sözum çoxli sənə getmə beş un dəyqə dayan

 

And içirəm allahima ki sevirəm çoxli səni

 

Bavər elə sevgimi sən mən demirəm heç nə yalan

 

Bul ki mənim sən dən olan istədiğim təkcə budur

 

Dərdimə dərman elə sən ey canimi dərdə salan

 

Ver mənə sən vəslivin o came şərabin maralim

 

Çun gecə gunduz çəkirəm ayriliqindan ay aman

 

Xirə baxanda sənə mən diyirdim indi ki diyir

 

Ay gözi şor bəsdi daha eylə həya sən də utan

 

Gər mənə yar busə verə min yaşim olsa cavanam

 

Indi gözəl gəl elə sən bu qocani bir də cavan

 

Şair : Vəhid Şukrzadə

 

 

 

 

آی گؤزی شور

 

آی گؤزلیم غونچه دهان گؤزلری اُخ قاشی کامان

 

واردی سؤزوم چوخلی سنه گئتمه بش اون دیقه دایان

 

آند ایچیرم آللاهیما کی سئویرم چوخلی سنی

 

باور ائله سئوگیمی سن من دئمیرم هئچ نه یالان

 

بول کی منیم سن دن اولان ایسته دیغیم تک جه بودور

 

دردیمه درمان ائله سن ای جانیمی درده سالان

 

وئر منه سن وصلیوین اُو جام شرابین مارالیم

 

چون گئجه گوندوز چکیرم آیریلیقیندان آی آمان

 

خیره باخاندا سنه من ، دییردیم ایندی کی دییر

 

آی گؤزی شور بسدی داحا ائیله حیا سن ده اوتان

 

گر منه یار بوسه وئره مین یاشیم اولسا جاوانام

 

ایندی گؤزل گل ائله سن بو قوجانی بیرده جاوان

 

شاعیر : وحید شکرزاده