آی پاراسی
گوزلـرون آخ نه گوزلديـر ، نه گوزل ، آي پاراسي
نـه اولاردي گئـيـنــم گوزلــروون آغ ـ قـاراسي
بو نـه گوزياشدي كي طوفانلي ائديب گوزلرووي
جـانيمـا دوشسـون اگر گوزلـروون وار يـاراسي
دامجـي دامجـي ييقيليـر خيردا گوزه ، من نه دئيم
دنـيـزه بـنـزيـيــر آمـا ايـكـي كيپـريـك آراسي
ائلـه اولـدوز كيمـي گوزيـاشي يئره توكمه گوزل
ائلـه اولـدوزلارا ديـمـز گونـشـيـن گوشواراسي
آغلامـا ، بيـر ائلـه گوزيـاش ائله مه ، صبره دايان
قويمارام سئل لره دوشسون گئنه ده ائل ساراسي
+ يازان وحید شکرزاده
|
نئچه گون بوندان اؤنجه کوچه ده قادینلارین آغیزلاریندا بیر آجی سؤز دولانیردی
اینسان اولان جانا قییارمی هئچ؟ بو نئجه قییدی جانینا
یاشامیندان، حایاتیندان نئجه بئزمیش ، اودو چکدی جانینا
قادین ائرته کوچه ده قونشولارین قاپیسین دؤیرکن جانینی یاندیریب، یاخیلماقدا ایدی
کیمسه نه بیلسین کیم یانیر ندن یانیر. تانری قیرسین بو قورولوشو،بئله قونشو لوغو
قونشو قونشو یلا قونوشماسا هاردان بیلسین حالینی؟
دوغرودان دا قونشویا بو گونلر همسایا دئییرلر دوز دئییرلر
آشاغیدی کی شعر صمد مرادینین تورشا شیرین کیتابندان آلینمیشدیر، سانکی بیزیم شهریمیزده بیزیم اؤلکه ده چوخلو قادینلارین اورتاق، آالین یازیلاریدیر
سون پارچاسینی سونرادان یازیچی آرتیریبدیر.
ساچینا دن دوشموش بیر نفر قادین
گؤردوم اوجالدیبدیر دادین فریادین
آغلایا- آغلایا بئش فاغیر اوشاق
قاچیرلار دالینجا یازیق آروادین
قیشقیرا قیشقیرا سؤیلوردو بئله
قویمایین او قاچیب آرادان چیخدی
آماندیر تئز توتون قویمایین قاچا
آپاردی- آپاردی ائویمی ییخدی
سوروشدوم او قاچان نه ایش گؤروبدور
اونون دالیسینجا قاچیرسیز باجی
سؤیله دی او بدبخت اریمدیر منیم
بو یازیق اوشاقلار اونون دور حاجی
تاقچادان گؤتوروب قویوب جیبینه
کوپئنلریمیزی آپاریر ساتا
پولونا قارا گؤی تیریاکدان آلا
تیریاکین کی چکدی، اؤلو تک یاتا
غیرتسیز ساتیبدیر دام داشین یئرین
مستاجیر اولوبدور بو باشی داشلی
قالمیشیق پیس گونه اؤزوده بیزده
الیمیز قولتوقدا، گؤزوموز یاشلی
رنگیمیز آجلیقدان سارالیب سولوب
یاوان چؤره یی ده تاپمیریق یئیه ک
بو نامرد دوراندا ، دادا چاتان یوخ
داغدان آغیر دردی بیز کیمه دئیک؟
...
آنجاق کیشی قاچیب چیخدی آرادان
بیر کیمسه یوگوروب اونو توتمادی
ساچلارینی یولدو، اوزونو دیتدی
قادینین دادینا کیمسه چاتمادی
****
بیر گئجه کیشی هر نه یی ساتمیش
ائوینده بیر تک قادینی قالمیش
بلکه ده اونو دا ساتماقا دالمیش
ناموسو قئیرتی ارلیکی آتمیش
تیریاکین دردینه چارا، تک قالمیش
بلکه ده قادین بوگونو چوختاندیر آنمیش
تلسیک الینه بنزینی آلمیش
قاچیب کؤچه ده هارایی سالمیش
دردینه بو چارانی چوخدان آختارمیش
یانمیش تیریاکین اودونا یانمیش
+ يازان وحید شکرزاده
|
سنسيزله ميشم
باخ گلوم گلدي بهار آشدي بولاغلار گوزؤنو
ياريمين آناغي گؤزياشلاري باغلار گؤزونو
قورخورام سنسيز اؤله م آغلياسان آرخام جا
آخي اؤلسه م مئلئكيم كيم سيلئرآغلار گؤزونو
نئقدر گؤينه ميشم نئقدر سيزلاميشم آه نئجه يالقيزلاميشم
بو كؤنول دفترينه دردي كئدر يازدي فلك
بو غريب طالعيمه گؤركي نئلئر يازدي فلك
نئله ايم من آخي سنسيزليگه اؤرشمه ميشم
منه غربتده كئچر عمري گئرك يازدي فلك
آه نئقدر گؤينه ميشم گؤز ياشيم گيزله ميشم آه نئجه سنسيزله ميشم
+ يازان وحید شکرزاده
|
